மகிழ்ச்சியான தருணம் - பேரவை முகாம் பயிற்சியாளர்களுக்கு மனமார்ந்த வாழ்த்துக்கள்!!!

 திரிகடுகம் என்பது பதினெண்கீழ்க்கணக்கு நூல்களுள் ஒன்றாகும். 
• இந்நூல் நல்லாதனார் என்னும் புலவரால் இயற்றப்பட்டதாகும். 
• திரிகடுகம் என்பது மூன்று மருந்துப் பொருட்களைக் குறிக்கும். 
• சுக்கு, மிளகு, திப்பிலி என்னும் மூலிகைகள் உடலுக்கு நன்மை செய்வது போல் இந்நூலில் ஒவ்வொரு பாட்டிலும் உள்ள மூன்று கருத்துக்கள் வாழ்விற்கு நன்மை செய்யும். ஆதலால் இந்நூல் திரிகடுகம் என்றுஅழைக்கப் படுகிறது,

நுண் மொழி நோக்கிப் பொருள் கொளலும், நூற்கு ஏலா
வெண் மொழி வேண்டினும் சொல்லாமை, நல் மொழியைச்
சிற்றினம் அல்லார்கண் சொல்லலும், - இம் மூன்றும்
கற்றறிந்தார் பூண்ட கடன். . . . .[32]

"கற்றறிந்தார் பூண்ட கடன்" - அறிவாளிகளின் மூன்று முக்கிய கடமைகள்:
நுண் மொழி நோக்கிப் பொருள் கொளலும்" - நுட்பமான சொற்களின் உட்பொருளை ஆராய்ந்து புரிந்துகொள்ளுதல்

"நூற்கு ஏலா வெண் மொழி வேண்டினும் சொல்லாமை" - நூல்களின் கருத்துக்கு முரணான வார்த்தைகளை, அவற்றை கேட்க விரும்பினாலும் கூட சொல்லாமல் இருத்தல்

"நல் மொழியை சிற்றினம் அல்லார்கண் சொல்லலும்" - நல்ல கருத்துக்களை உயர்ந்த பண்புள்ளவர்களிடம் மட்டும் பகிர்தல்

அறிவாளர்கள் கடைப்பிடிக்க வேண்டிய மூன்று முக்கிய பண்புகளை சொல்கிறது:
• ஆழமாக சிந்தித்தல்
• நேர்மையாக இருத்தல்
• தகுதி அறிந்து பேசுதல்

சொற்களை ஆராய்ந்து பொருள் கொள்ளுதலும், பயனற்ற சொற்களைச் சொல்லாதிருத்தலும், நல்ல சொற்களை கீழ்க்குலத்தார்க்குச் சொல்லுதலும் படித்தறிந்தவர் மேற்கொள்ள வேண்டிய கடமையாகும்